2009年5月...

自小已跟你認識, 說的話不多, 近10年更少了說話及見面...
對你的了解不算很深, 但都總算明白你...
今年是第26個年頭, 你離開了我...再過幾天我就生日, 為什麼你總不給我問侯...
你疼我我是知道的, 但我實在接受不到你一直以來所做的事,
每每你只懂帶給我麻煩, 總要我幫處理幫你解決...
但今次不用我來, 你選擇了自己去面對同解決.
在我心裡面, 你是一個懦弱的人, 沒有太大的膽子...這是我從來無對你講過的
不是怕說了你不開心, 只是我覺得你是有改變的機會,
如對你說出了我對你的感覺, 只怕你會懶得去改變, 像漏氣的氣球一樣
不知你哪裡來的勇氣, 竟可令你這樣勇敢去做這件事,
聽到整個過程的感覺很難受, 因為不是一時三刻可以完成...
我只想問你, 如果你有這樣大的勇氣, 為何不早點發出來?
早點改變你的世界, 可以改變將來的命運....
既然你有決心去做這件事, 何不用這個決心去改過...
從前就算有多大的問題同困難總有我去幫你解決, 不只是我一個還有其他人,
難道你不記得嗎?就算我是多麼生你氣, 我仍會撐你, 而你是知道的,
為什麼今次你會少我一份, 不找我去幫你解決問題, 你忘記了我嗎?
我生氣都只是因為你只是要找人幫才找我, 平時找我說聲問侯以及閒談都沒有,
我明白你是個內歛的人, 我跟你也一樣, 所以我想這是我跟你近10年都少聯絡的主要原因...
不知道今次發生了什麼事, 有什麼問題 你會有這樣決定.
我只知道, 縱有天大的問題都可以解決到, 只在於你有沒有這個心,
可能今次是你的選擇, 可能你覺得會好過點...
但為什麼到最後一刻你不跟我說些話?叫我乖點或是要保重也好
隨便亂說什麼都好, 起碼給我在最後聽聽你的聲音.
我發覺我開始忘了你的聲音,怎樣都記不起了....
我只記得你的樣子,都是安祥的跟以往的一樣,
可能你覺得我說你懦弱是錯的, 可能你只是不太想去解決問題,
不要緊, 現在起你的問題就由我代你去解決吧, 這是我最後可以為你做的事.
不用擔心我, 我一切還好, 我可以照顧自已, 我不似你
因為我不甘心, 所以我不會輕易放棄, 你應覺得開心吧.
從前, 少說話少見面. 可能就是因為這件事, 才能打開我跟你的話匣子,
讓我能跟你說多些真心話, 見面的機會亦比從前多...
希望, 你會看到我這篇說話, 再見了!我們總有機會會再相遇, 不要再想從前, 一路愉快.

新一年新願望...2009

新一年新願望....工作上事事順利, 最好加埋人工就好啦.
亨亨仔快高長大, 希望新學期快d適應, 乖乖地啦.
爸爸身體健康, 快d搵夠整返個安樂窩就好啦.

2008發生好多事情, 都令自己有點看不通,想不透...
even對我影響不太甚至係唔關我事..但都令我有好多個點解出現左...
點解可以咁KA!
點解有D咁既人KA!
點解會搞到咁樣KA!
點解講極都係咁KA.........
雖然知道新一年, 或者年年都係咁會出現呢D事...
我只係希望可以變到唔會再大驚小怪或者係事不關己,再唔係全無感覺都好啦...
可能咁講好似好差, 但係都好過再自己心有不甘,唔抵得頸, 同暗啞底唔開心睇唔過眼LO...
因為我知,我係改變唔到D咩呀嘛...

亨亨原來好鍾意游水...

連續2個星期日都同亨亨去石奧游早水...起身實在超辛苦.
原本都好驚亨亨會怕喊又驚又唔肯落水...點知同係泳池係2個人.
超開心超鍾意落水玩...仲自己玩跳水同潛水...我就攰到死..
爸爸同你落水都一樣開心啦....點解一定要係我...
玩左差不多2個鐘差不多中午了...一定要走啦唔係變黑豬
亨亨就立即變身程菲咀...攬住大脾唔比我地走,
曬得太勁會受傷的...下次再玩啦, 都黎左2次差唔多啦.

I am grateful to have your help me reborn my life ~

有日食lunch...電視播住睇左n咁多次既電影"絕世好賓", 真係無聊到爆炸, 睇到食緊都想瞓覺.
個古仔其實OK ka,只係實在睇得太多次, 對白都識背咁滯, 所以真係有d悶.
直到佢播果首主題曲我先醒一醒, 好耐無聽...首歌又真係好ok.
聽聽下令我又諗返好多以前既事, 原我自已又真係幾幼稚又天真白痴加低能...etc不能盡錄~唉!

但係我真係好想好想多謝好多身邊的人, 幫左我好多開解我好多,
從前的我實在好多野都看不開放不下, 條頸硬過鉄柱, 諗埋一邊...
太多執著, 太多仇恨了...又唔識得點樣可以從中抽身令自己情緒可以放下一點好過一點.

現在的我改變多了, 放下多了亦識得點樣置身事外,
在另一方面看回自己的事, 如何多方面去想...
從前自己唔識得點樣去"諗野", 好多野都唔識諗...好傻好天真.
而家唔可以話諗得好叻, 轉得好快...起碼可以諗到少少一定要諗到既野,
呢d所有所有都係一班身邊支持我的人教曉我的,
數人名呢d野細路仔先做,我唔係咩歌星攞獎唔會逐個開名請多謝,
只要有同我有過經歷有了解的人自然會知道我在講什麼,
真係要多謝每一個教我好多野既朋友, 我袋左你地好多錢,
我唔會咁快駛晒, 一定會留返黎慢慢用, 多謝.

藍田活塞男....真係痴q線.

今日睇壹週刊先知原來上個星期8/7發生左一單好痴q線既新聞...

真係好變態, 個男人半夜三更係公園話做掌上壓做到拉開左褲鏈,

跟住不慎將小弟弟塞左個係小窿入面...但個窿得一蚊咁大...

跟住受傷自行打999報警求助.但新聞話個男人有食到懷疑係春藥既東東...

以後我點帶亨亨仔去公園玩呀...頂你死麻甩佬...

新聞入面仲可以清楚聽到個活塞男既慘叫聲...想嘔.

有需要又無錢就返屋企, 閉門打JJ啦...整到D地方污糟晒..小朋友玩既圬方黎ma..

石澳沙灘好~好耐無影相啦

我好鍾意石澳沙灘...好鍾意好鍾意.
又唔多人d沙又令d...又有野食又有相影...
好耐都無去石澳影相啦, 呢排成日無啦啦都好想去...
乜都影下,玩下食下好開心...
最鍾意果間好令既大屋..外牆成日都唔同色ka...
我記得我影過有紫色, 橙色, 同粉綠色....唔知而家變左咩色...
比起淺水灣同赤柱, 我最鍾意石澳靜d人少d...真係好正呀
快d有機會再去就好啦...呵呵

又有得做姊妹啦~呵呵!!

早2日收到好友amy通知....登登登登2010結婚啦,呵呵!!
我又有得做姊妹啦~好野!!好開心收到呢個消息...陳大米同威生要識做呢.
唔該到時影相影得令D....哈哈
雖然仲有2年唔夠既時間...但搞得黎差唔多啦, 有咩要幫手記得出聲啦.

在我個人立場黎講...我唔鍾意擺酒, 因為唔係每一個都係自己想請既人
咁不如唔擺大家都開心, 旅行結婚都係唔錯既選擇...關島同沖繩以及希臘都好好既地方...
至於拉斯維加斯就唔太鍾意...感覺好兒戲同無法律效力,好似d一時衝動既人先會去果度結婚咁...

記得聽過某友人話過"我係嫁一次唔係嫁十次...點都要搞得好",
我好明白佢既諗法, 以佢既性格又講得岩既, 但我就唔同意佢果句說話lo...
我覺得有點兒哪個...人同人既緣份講唔埋, 天要你嫁超過一次先有好歸縮,
唔通可以逆天而行嗎?除非你唔想條命嫁得好同自己過唔去啦...
再講而家咩世代呀...離婚再結婚既人比比皆是, 人地一樣活得精彩...
唔好因為呢樣既而視為恥辱先得ka...好老套又文塞呀...年輕人.

係我認識既人當中都有因為點都要嫁一次又要嫁得好既失敗例子,
最後就係太堅持, 搞到男友又唔結婚又走佬, 錢又儲唔到, bb又落幾次...
最後分手收場, 而家咪又係得個吉, 何苦呢?

諗同做係2樣野, 無得咁樣...同埋嫁得好唔好唔係睇你嫁果下好唔好豪唔豪.
呢d野做比人睇既姐, 應該睇長遠d...日後生活先係真, 佢對你好唔好..
就算無錢但對你好似皇后公主咁錫到你燶既, 樣樣都以你為先既
或者真係可以養到你一生一世都唔駛你憂柴憂米既...呢D先叫嫁得好呀嘛...
可以擺一晚2晚酒豪邀各間親朋戚友飲飲食食...我都得啦...一卡在手點碌都得.
只係後尾條數有無錢找數先係真呀嘛....

講得太多題外話, 最後都想同AMY講聲恭喜你呀, 白頭到老永結同心!
2010我等你呀.